Snack mol wedder Platt - Plattdeutschabend an der James-Krüss-Schule in Barmstedt

En halve Johr hebbt se proovt un nu weer dat an 25. Juni 2024 endlich sowiet! 

De Plattdüütsch-AG vun uns School in Bokholt-Hanredder ünner dat Leit vun Jürgen Brütt, de Chor vun de JKS in Barmstedt mit Astrid Reumann un de Kinner vun de Klass 3a mit ehre Lehrerin Claudia Rühmkorf harrn inlaadt to en plattdüütschen Avend.

De Idee för dissen Optritt harr de fröhere Lehrerin un perkekte Plattdüütschschnackerin Renate Brömmer. Se hulp de Kinner bi dat Instudeern vun Riemels, Leder, Dänz un Geschichten op Platt. 

Över 150 Gäst weern in de fein utstaffeerte Turnhall kamen un harrn veel Spaaß bi´t Tohöörn. So ok, as to´n Afschluss vun disse schöne Stünn noch alltohoop en Leed op Platt sungen.

Kiek mol wedder in!